Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Lëvizja Vetëvendosje ka bërë të ditur se kreu i kësaj partie Albin Kurti ia ka kthyer përgjigjen kryetarit të Kosovës Hashim Thaçi lidhur me takimin e radhës. Kryetari Thaçi kishte kërkuar përmes një letre takim me kreun e Vetëvendosjes për nesër në ora 10:00, në kabinetin e tij. “Me qëllim të funksionalizimit sa më të shpejtë të institucioneve të Republikës së Kosovës, si kryetar i Kosovës do t’i ndërmarrë të gjitha hapat e përcaktuar në Kushtetutë”, thuhet në ftesën e Thaçit. Kryetari kërkon që në këtë takim konsultativ t’i konfirmohet të propozuarit për kryeministër lidhur me formimin e qeverisë së Kosovës. Por, kreu i Vetëvendosjes, Albin Kurti, tri herë e ka refuzuar ftesën, duke mos iu përgjigjur kryetarit, Thaçi, ndërkohë ka propozuar që takimi të mbahet sipas caktimit që i ka bërë vetë për ditën e hënë, më 6 janar, duke i lënë të kuptohet se me Albin Kurtin, kryetari i Kosovës, Hashim Thaçi nuk do ta ketë të lehtë. Arroganca e Kurtit, më tepër del të jetë frustrim lidhur me pamundësinë e formimit të Qeverisë me LDK-në dhe këtë rast çdo takim me Thaçin nuk do të kishte asnjë kuptim. Edhe ftesat e njëpasnjëshme të Thaçit kanë një prapavijë të zbrazjes së zemërimit, meqë ai e di fare mirë se nuk ka pse e takon Albin Kurtin për ta caktuar mandatar, kur ai ende nuk ka asnjë mandat, përveç manovrimeve dhe pritjes së paparashikueshme dhe nevrastenike. (RKL)
