Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Skenderajt, Bekim Jashari i ka kujtuar të rënët e masakrës së Reçakut. Ai ka theksuar se falë punës se ambasadorit të OSBE-së, William Walker, lufta jonë çlirimtare mori kthesë të re dhe mbështetje ndërkombëtare. Jashari ka thënë kjo masakër është pjesë e kujtesës tonë dhe nuk mund të mohohet nga askush. “Sot, në 21 vjetorin e masakrës së Reçakut, kujtojmë e nderojmë 45 të rënët e kësaj masakre, të cilët u bënë gurëthemel i Lirisë dhe Pavarësisë së Kosovës. Me këtë masakër, falë punës sensibilizuese të ish ambasadorit të OSBE-së, William Walker, lufta jonë për çlirimin e vendit mori kahje të re dhe përkrahje ndërkombëtare. Masakra e Reçakut ishte dëshmi e fortë e krimit kundër njerëzimit që po zhvillonte agresori serb mbi popullin e Kosovës dhe faktor vendimtar i ndërhyrjes ushtarake të NATO-s në Kosovë. Kjo masakër është pjesë e historisë së lavdishme dhe memories tonë të pashlyeshme kolektive dhe atë nuk mund ta mohoj askush. Ambasadori William Walker edhe sot, 21 vite pas luftës është duke u angazhuar në vënien e drejtësisë për viktimat e luftës në Kosovë dhe për këtë shteti e populli i Kosovës i është përherë mirënjohës”, ka shkruar ai.
