Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Lidhjes Demokratike të Kosovës, Isa Mustafa ka folur për arsyet e mosarritjes së koalicionit me Lëvizjen Vetëvendosje deri më tani. Mustafa ka thënë se nuk e ka pritur që do të zgjasin kaq shumë bisedimet me Vetëvendosjen për formimin e Qeverisë. Sipas tij tani koalicioni mund të arrihet me vullnetin e Vetëvendosjes. Ai ka theksuar se Vetëvendosje duhet ta vlerësojë mirë ofertën e fundit të LDK-së për koalicion pasi sipas tij, kjo ofertë është e balancuar. I pyetur se a ka trysni nga faktori ndërkombëtar që LDK-ja dhe Vetëvendosje të formojnë qeverinë, Mustafa ka pohuar se faktori ndërkombëtar është më shumë i interesuar që Kosova të ketë Qeveri. I pari i LDK-së, ka thënë se takimi mes tij dhe Albin Kurtit varet nga Vetëvendosje se sa është e gatshme për të bërë marrëveshjen. Nëse kjo marrëveshje nuk arrihet, Mustafa ka thënë se Vetëvendosje duhet të bëjë zgjidhje tjetër për formimin e qeverisë.
