Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Sot, 9 vite më parë në Bulevardin “Dëshmorët e Kombit” në Tiranë ishin vrarë katër protestës të pafajshëm të cilët u goditën me urdhër direkt nga drejtuesit më të lartë të ekzekutivit të asaj kohe. Lidhur me këtë ngjare ka reaguar sot edhe Kryetari i Bashkisë së Matit Agron Malaj, i cili në atë kohë ka qenë në krye të detyrës në Gardë, por që refuzoi të zbatojë urdhrin për të hapur zjarr mbi protestuesit e pafajshëm. Malaj kujton se përgjegjës direkt për atë fatkeqësi është ish-kryeministri, Sali Berisha dhe ish-Ministri i Brendshëm i asaj kohe, Lulzim Basha, që dhanë urdhër për të qëlluar duke shkelur çdo ligj e çdo normë. Ai thekson se vijon të punojë me kokën lart dhe me ndërgjegjen e pastër, dhe se kush ka ende dyshime për këtë mund të hapë vendimin e KQZ, bazuar në vendimin e Prokurorisë, ku certifikohet pastërtia e figurës së tij dhe i njihet e drejta për të marrë pjesë në zgjedhje. Ai shpreh ngushëllime familjarëve të viktimave, Malaj siguron se nuk do të rresht kurrë së kërkuari që ajo tragjedi e ai krim shtetëror të zbardhet duke nxjerrë përpara përgjegjësisë autorët e tij të vërtetë, sado lart qofshin ata në jetën politike të vendit.
