Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryeministri malazez, Dushko Markoviq, tha se shteti kishte kaluar nëpër “propagandë të pashembullt” pas miratimit të Ligjit për Lirinë e Fesë, i cili u ushtrua nga faktorë “brenda vendit, por më në mënyrë drastike dhe më brutale, ata nga Serbia fqinje”. “Ata filluan duke sulmuar simbolet kombëtare dhe ambasadën tonë në Serbi, pa gatishmëri dhe pa qëllim për t’i mbrojtur ata. Shpesh thuhet se në Beograd dy herë ka pasur një përpjekje për të ndezur flamurin malazez. Nuk ishte një përpjekje, por një djegie e flamurit malazez dhe kjo ishte një lidhje e qartë me shtetin e Malit të Zi dhe të drejtën e tij sovrane për të vendosur çështje të brendshme “, tha Markoviq për Radio Televizionin Malazez. Duke komentuar deklaratën e kryetarit serb Aleksandar Vuçiq, se Mali i Zi duhet të diskutojë me Kishën Ortodokse Serbe, në Beograd, lidhur me ligjin për Liritë fetare, Markoviq tha se qeveria malazeze do të diskutonte vetëm çështjet e saj të brendshme me përfaqësuesit e Kryepeshkopit malazez dhe kurrsesi me Kishën serbe.
