Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Komuna e Mitrovicës dhe Iniciativa për zhvillimin e Bujqësisë së Kosovës (IADK), kanë nënshkruar të enjten marrëveshjen për bashkëfinancimin e projekteve të IADK-së për vitin 2016, për investime direkte në sektorin e bujqësisë. Marrëveshjen e nënshkruan kryetari i komunës së Mitrovicës, Agim Bahtiri dhe drejtori ekzekutiv i IADK-së, Zenel Bunjaku.
Vlera e projekteve që do të financohet sipas kësaj marrëveshjeje arrin shumën prej 26.303 euro, prej të cilave IADK do të paguaj 78 për qind, komuna 20 për qind dhe fermerët 2 për qind.
Këto mjete do tu ndahen fermerëve që kultivojnë bimë mjekësore, pemishte me mjedër organike, speca/feferonave në fushë të hapur, perimet në serra, pasta atyre që bëjnë investime në kuzhinat shkollore etj.
Përzgjedhja e përfituesve do të bëhet nga komisioni i përbashkët i IADK-së dhe Komunës së Mitrovicës.
Bahtiri dhe Bunjaku e vlerësuan si shuam të rëndësishme këtë marrëveshje, duke thënë njëkohësisht se kjo është arritur në vazhdën e një bashkëpunimi shumë të mirë që kanë këta dy si partnerë.
