Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Pas takimeve të zhvilluara me Richard Grenell, i dërguari i posaçëm i kryetarit Trump për dialogun Kosovë-Serbi, ministri i Jashtëm serb, Ivica Daçiq, ka thënë se ai solli dy mesazhe, një për Beogradin e një për Prishtinën. Për Prishtinën ishte që ta heq taksën e vendosur kundër mallrave serbe ndërsa për Serbinë që ta pezulloj fushatën kundër pavarësisë së Kosovës. Por, ka theksuar Daçiq, këto dy gjëra nuk janë të krahasueshme dhe nuk mund të jenë të njëjta. Ai ka shtuar më tutje se gjatë takimit, presidenti i Serbisë, Aleksandër Vuçiq ka theksuar se këto dy gjëra nuk mund të futen në të njëjtin rrafsh. Taksa duhet të hiqet, sepse Serbia nuk ka aplikuar taksa kur Prishtina bëri fushatë për njohjen e pavarësisë. Nëse të gjithë dëshirojnë, ne jemi të gatshëm të arrijmë një moratorium, por atëherë duhet të ndalohet lobimi i shteteve të mëdha për Kosovën, si dhe lobimi për pranimin e Kosovës në organizatat ndërkombëtare. Vizita në Grenell ka një shenjë pozitive sepse vendos theksin tek temat ekonomike dhe këto janë nisma të dobishme dhe tregon pozicionin e ndryshuar të administratës amerikane në kuptimin e angazhimit të një zgjidhjeje kompromisi, ka theksuar ministri i Jashtëm i Serbisë, Ivica Daçiq.
