Realizimi i të hyrave vetanake në komunën e Malishevës është tejkaluar për 5.5 për qind

27/01/2020 Institucionet

Sikur çdo të hëne edhe sot, kryetari i Komunës së Malishevës, Ragip Begaj, e ka mbajtur mbledhjen e rregullt të Këshillit të Drejtorëve, ku drejtorët e drejtorive, kanë raportuar për planet dhe aktivitetet e tyre gjatë javës së kaluar dhe planifikimet për javën në vijim, si dhe janë trajtuar edhe çështje tjera, që lidhen me obligimet e ekzekutivit në Komunën e Malishevës. Gjatë raportimit të tij, drejtori për buxhet dhe financa, Valon Mazreku, ka konfirmuar se të hyrat vetanake të komunës, bazuar në planifikim, janë tejkaluar për 5.5 për qind, apo shprehur në mjete, janë grumbulluar rreth 47 mijë euro më shumë se planifikimi. Mazreku ka thënë se shumë shpejt, do të përfundoj edhe raporti i tërësishëm i të hyrave dhe shpenzimeve të buxhetit për vitin e kaluar. Sa i përket situatës në fushën e shëndetësisë, drejtori për shëndetësi, Liridon Hoti, ka thënë se si rezultat i gripit sezonal është shtuar numri i pacientëve të cilët kërkojnë trajtim mjekësor në qendrat shëndetësore, por nuk ka ndonjë shqetësim dhe shërbimet shëndetësore janë duke u kryer normalisht. Në këtë mbledhje është diskutuar edhe për çështje tjera që lidhen me punët, aktivitetet dhe obligimet e ekzekutivit, ndërsa të gjitha shërbimet komunale janë duke kryer pa probleme.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara