Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Drejtori i komunikimit në PDK, Bashmir Xhemaj ka treguar në një konferencë para gazetarëve për mbledhjen e Kryesisë së kësaj partie që u mbajt në orët e vona të ditës së mërkure. Fillimisht ai ka thënë se ky takim është planifikuar të mbahet në orën 19:00 por është shtyrë për në orën 22:00 për shkak të angazhimit të disa anëtarëve të kryesisë dhe nuk është lënë për të enjten pasi që disa anëtarë të kësaj partie udhëtojnë jashtë vendit. Sipas tij ky takim ka qenë i rregullt dhe nuk ka pasur kurrfarë urgjence siç është raportuar por ka të bëjë me vizitën e Borellit Ai tha se qëndrimet e plota të Partisë Demokratike të Kosovës lidhur me këtë vizitë, formatin, agjendën dhe për procesin e dialogut Kosovë-Serbi do të bëhen të ditura gjatë të enjtes përmes një konferencë shtypi që do të organizohet në seli të partisë.
