Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Partia Demokratike e Kosovës ka marrë vendim të bojkotojë mbledhjen e Kryesisë Kuvendit, si reagim ndaj veprimeve të kundërligjshme të kryekuvendares Vjosa Osmani me rastin e heqjes së fotografisë zyrtare të kryetarit të Kosovës Hashim Thaçi. Shefi i Grupit Parlamentar të PDK-së, Bedri Hamza, tha në një konferencë për media në Kuvend se koalicioni Vetëvendosje-LDK-Lista Serbe e ka filluar keq punën dhe sjelljen institucionale. Ai ka kërkuar që fotografia zyrtare e kryetarit Thaçi të trajtohet sipas legjislacionit në fuqi, të kthehet në vendin e vet dhe zonja Osmani të ndalojë veprimet që nuk janë në përputhje me ligjin dhe të cilat e pamundësojnë opozitën të jetë në institucione. Hamza po ashtu tregoi për shkeljet procedurale dhe mënyrën e thirrjes së seancës për zgjedhjen e kryetares së Kuvendit. Sipas tij, nga veprimet që bëri Vetëvendosje-LDK me thirrjen e seancës natën dhe për 4 minuta kohë, shihet se koalicioni Vetëvendosje-LDK nuk e kishin qëllim të ftojnë të gjithë deputetët, pasi e kishin arritur paraprakisht pazarin me Listën Serbe.
