Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në vigjilje të 12 Vjetorit të Shpalljes së Pavarësisë së Kosovës Komuna e Junikut kremton 12 Vjetorin e Shpalljes së Pavarësisë së Kosovës, fillimisht duke nderuar të rënët për liri me homazhe pranë lapidarit në Qendër të Junikut, për të vazhduar me seancën solemne në sallën e kuvendit dhe koncertin festiv të përgatitur nga artistët e rinj të Junikut që përformuan me pika të ndryshme artistike. Kryetari Kuçi në fjalën e tij para qytetarëve në seancën solemne vlerësoj lartë rrugëtimin deri në arritjen e idealit për liri dhe pavarësi, duke shprehur motivin për të vazhduar angazhimin për shtetndërtim dhe njëherit shprehi krenarin dhe mirënjohjen për kontributdhënësit ndër vite dhe brezat e ri që janë premtues për një shtet të ri të formuar në frymë evropiane. Kremtimi i 12 Vjetorit të Pavarësisë përmbyllet me Turnirin e Pavarësisë së Republikës së Kosovës në futboll të vogël (futsal) organizuar nga të rinjtë e Junikut, të dielën me 16 Shkurt 2020, në Palestrën Sportive Ereniku.
