Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Diplomati proserb i Sllovakisë, Mirosllav Lajçak u propozua edhe zyrtarisht përfaqësues i posaçëm i Bashkimit Evropian për dialogun Kosovë-Serbi, konfirmuan për Radion Evropa e Lirë burimet diplomatike në Bruksel. Sipas tyre, shefi i politikës së Jashtme të BE-së, Joseph Borrell, nga Spanja, po ashtu vend i cili nuk e ka njohur Kosovën, u ka dorëzuar vendeve anëtare të BE-së emrin e Lajçakut si përfaqësues i ardhshëm i bllokut, i cili para së gjithash do të merret me normalizimin e marrëdhënieve midis Kosovës dhe Serbisë, por edhe me çështje të tjera në rajon. Propozimi formal i Lajçakut mësohet se ka qenë edhe arsyeja e bisedave telefonike që Borrell ka zhvilluar të premten me presidentin e Serbisë, Aleksandar Vuçiq, presidentin e Kosovës, Hashim Thaçi, dhe kryeministrin e Kosovës, Albin Kurti. Pritet që emërimi i Lajçakut në detyrën e re të bëhet më 23 mars, në takimin e ministrave të Jashtëm të vendeve të Bashkimit Evropian. Emërimi i mëhershëm thuhet se nuk është i mundur pasi ai vazhdon të kryejë funksionin e ministrit të Jashtëm të Sllovakisë, vend i cili nuk e ka njohur pavarësinë e Kosovës dhe mbanë lidhje të ngushta gjaku, feje e race me Serbinë e Vuçiqit.
Vendosja në krye të BE-së e dy diplomatëve kryesorë nga dy vende që nuk e kanë njphur Shtetin e Kosovës, sikur është Spanja e Sllovakia, dhe të cilat janë zotuar se nuk do ta njohin këtë pavarësi madje as nëse e njeh vetë Serbia, është treguesi më i mirë se çka po zien kazani i Evropës i quajtur BE, për të ardhmen e Kosovës por edhe të shqiptarëve në përgjithësi. Tani ka mbetur të ngushëllohemi me urimin e moçëm të Fan Nolit: Mbahuni Hashim dhe Albin e mos kini frikë, se keni Trumpin e Grenelin, në Amerikë. Por duhet pasur edhe një fakt para sysh se Trumpi sotëm i Amerikës, nuk është Vilsoni i kohë së Fan Nolit, as arrijnë deri te thembra e Nolit, Hashimi e Albini.
