Nënkryetari Berisha, priti në takim kampionin botëror për floktari, Besmir Hoxhën

26/02/2020 Institucionet

Nënkryetari i Komunës së Malishevës, Hajdin Berisha, e ka pritur në një takim, kampionin botëror në fushën e parukerisë, përkatësisht për tatuazhet e flokëve, me rroje, Besmir Hoxhën, nga fshati Marali i Malishevës, i cili ishte i shoqëruar edhe nga kryetari i Federatës Botërore të Parukerisë, Giancarlo Milanese. Nënkryetari i Komunës së Malishevës, Hajdin Berisha, e ka uruar Besmir Hoxhën për suksesin e arritur. “Në çdo fushë që arrihen suksese, për ne do të thotë shumë, pasi pjesëmarrja në ngjarje të tilla me karakter ndërkombëtar, është përfaqësimi më i mirë që na bëhet, jo vetëm si komunë, por si vend”, tha Berisha. Ndërsa kryetari i kësaj federate, Giancarlo Milanese, tha se ka një grup të madh të mjeshtërve të fushës së parukerisë, pasi nuk janë thjeshtë floktarë, por e njohin profesionin dhe po tregojnë rezultate të jashtëzakonshme në këto gara dhe po sjellin risi në fushën e floktarisë. Nga ana tjetër, kampioni botëror Besmir Hoxha, e ka falënderuar komunën për këtë pritje, që për të do të thotë shumë, pasi ndihet i përkrahur dhe i motivuar nga ana e komunës. Ai gjithashtu njoftoi se shumë shpejt, do ta përfaqësoj Kosovën në një garë tjetër e cila do të mbahet në Romë. Besmir Hoxha, e ka zënë vendin e parë në International Cup 2020, që është mbajtur në Shqipëri më 16 dhe 17 shkurt, në kategorinë Razor Hair Tattoo.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara