Ministri Mustafa: Bashkëpunimi rajonal dhe avancimi i reformave në bujqësi, prioritet për MBPZhR-në

28/02/2020 Institucionet

Bashkëpunimi rajonal dhe reformat në fushën e sektorit të bujqësisë dhe zhvillimit rural, do të jenë prioritete të Ministrisë së Bujqësisë, Pylltarisë dhe Zhvillimit Rural gjatë këtij viti. Kështu është shprehur ministri i MBPZhR-së, Besian Mustafa në takimin që e zhvilloi sot me Sekretarin  e Grupit Punues Drejtues për Zhvillim Rural Rajonal, Boban Ilic. Me këtë rast, ai ka theksuar se këto prioritete në mandatin e tij do të kontribuojnë në procesin e afrimit të rajonit të Evropës Juglindore me Bashkimin Evropian. Ministri Mustafa e ka njoftuar Sekretarin Ilic me programet zhvillimore të kësaj ministrie për vitin 2020 dhe në të njëjtën kohë shprehu gatishmërinë që të bashkëpunojë me këtë grup punues me qëllim të avancimit të reformave në bujqësi. Në anën tjetër, Sekretari Ilic, ka theksuar se bashkëpunimi rajonal është tejet i rëndësishëm për të avancuar politikat dhe reformat në sektorin e bujqësisë dhe zhvillimit rural. SWG është një organizatë ndërkombëtare ndërqeveritare, e cila përbëhet nga institucionet qeveritare, përgjegjëse për bujqësinë dhe zhvillimin rural në vendet e Evropës Juglindore.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara