Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari, Hashim Thaçi nuk ka dhënë përgjigje të saktë nëse do t’i përgjigjet ftesës për takim nga kryeministri, Albin Kurti, por ka thënë se nëse i pamundësohet raportimi në Kuvend, do të ftojë në takim të gjithë liderët e partive politike. Ai ka kërkuar që sot t’u drejtohet deputetëve, por këtë nuk e ka pranuar kryekuvendarja, Vjosa Osmani. “Është e drejt e imja kushtetuese që t’i informoj deputetët. Por nëse një gjë e tillë më pamundësohet atëherë mundësia e vetme e imja si kryetar i zgjedhur nga kuvendi, është që t’i drejtohem qytetarëve përmes konferencës për shtyp, me qëllim që të përcillet ajo se çka ka ndodhur në Uashington e vërteta e tërësishme e këtij procesi, sepse jam i vendosur që i tërë angazhimi të jetë plotësisht transparent. Në një formë a në formën tjetër çdo qytetar duhet të jetë pjesëmarrës i këtij përkushtimi të institucioneve të Kosovës. Roli udhëheqës të Amerikës në këtë proces është i pazëvendësueshëm. Ne jemi të bekuar me këtë kohë që kryetari amerikan, Donald Trump e ka marrë këtë rol i ka dhënë mbështetje dhe ka caktuar ambasadorin Grenell për ndërmjetës në bisedime, ka saktësuar kryetari i Kosovës, Hashim Thaçi.
