Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Luftëtarja e lirisë, intelektualja, studiuesja e veprimtarja e ndjerë Fetnete Ramosaj është dekoruar më medaje presidenciale nga kryetari i Kosovës, Hashim Thaçi në shënim të ditëve të Epopesë së Ushtrisë Çlirimtare të Kosovës. Ajo që nga viti 1989 ishte pjesëtare aktive e lëvizjes ilegale dhe asaj gjithëpopullore në Kosovë. Ka qenë pjesëmarrëse aktive në luftën çlirimtare, si pjesëtare e Ushtrisë Çlirimtare të Kosovës. Gjatë luftës në Kosovë (1998-1999), veç tjerash, ka kryer detyrën e Zëdhënëses së UÇK-së për informim Zonën Operative të Dukagjinit. Njëkohësisht ka raportuar edhe për Radion Kosova e Lirë dhe Agjencinë KosovaPress, Ka qenë autore e shumë jetëshkrimeve për dëshmorët në monografinë, “Feniksët e lirisë, dhe bashkëpunëtore e Redaksisë, “Dëshmorët e UÇK-së”. Është autore e disa fejtoneve e dhjetëra shkrimeve publicistike, të botuar në shtypin legal e ilegal të kohës që nga viti 1991. Ajo është ndarë nga jeta me 5 prill të vitit 2019.
