Kryetari Begaj, vizitoi disa shkolla në Komunën e Malishevës

10/03/2020 Institucionet

Kryetari i Komunës së Malishevës, Ragip Begaj dhe drejtori i Drejtorisë për Arsim dhe Edukim, Blerim Thaçi, dje dhe sot, i kanë vizituar disa shkolla në fshatrat e Komunës së Malishevës, me qëllim të njoftimit me kushtet e përgjithshme nëpër shkolla, si dhe me problemet dhe nevojat që kanë. Në të gjitha vizitat, kryetari Begaj dhe drejtori Thaçi, i kanë përgëzuar të gjithë mësimdhënësit dhe drejtuesit e shkollave për punën që janë duke bërë në edukimin dhe arsimimin e nxënësve, ku nuk kanë munguar as rezultatet në vazhdimësi. Begaj e Thaçi, janë njoftuar nga drejtuesit e shkollave dhe mësimdhënësit për problemet me të cilat ata ballafaqohen, si dhe me nevojat që kanë për avancimin e mësimdhënies, pasi me zhvillimin e teknologjisë, kanë lindur edhe nevojat e reja. Njëra prej kërkesave ishte pajisja apo digjitalizimi i shkollave, e në veçanti fillimi i pajisjes me tabela digjitale, pasi tashmë kjo është nevojë e kohës. Përndryshe, kryetari Begaj dhe drejtori Thaçi, i kanë vizituar shkollat “Hilmi Hoti” në Carrallukë, ku është rregulluar furnizimi me ujë për pije, pas hapjes së pusit të veçantë për këtë shkollë, pastaj shkollat tjera që i kanë vizituar janë fshatrat Tërpezë, Damanek, Turjakë, Mleqan, Llazicë, Vërmicë, Drenoc dhe në Carrallukë. Gjendja e objekteve shkollore në përgjithësi është e mirë, përfshi edhe mirëmbajtja, e po ashtu edhe procesi mësimor zhvillohet normalisht dhe pa probleme të theksuara, ndërsa respektimi i orarit në procesin mësimor është në nivel të lartë.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara