Disa të lënduar si pasojë e një aksidenti me kamion të “Ekoregjionit” në Malishevë

11/03/2020 Institucionet

Së paku tre persona janë lënduar, si pasojë e një aksidenti të shkaktuar nga kamioni për grumbullimin e mbeturinave i njësisë së “Ekoregjionit” në Malishevë. Të lënduarit janë punëtor të njësisë dhe në momentin e aksidentit gjendeshin në kamion, i cili ka humbur kontrollin dhe është futur në një lokal zejtarie. Fatbardhësisht, asnjë person brenda lokalit nuk është lënduar. Sipas të dhënave të para, kamioni është futur në një lokal zejtarie (frizer), dhe si pasojë të tre punëtorët që gjendeshin në kamion kanë marrë lëndime, por gjendja e tyre është stabile dhe jashtë rrezikut për jetë. Të gjitha njësitë relevante kanë dalë në vend të ngjarjes dhe ju është dhënë ndihma e parë të lënduarve, të cilët më pas janë dërguar për trajtim të mëtutjeshëm në QKUK në Prishtinë. Në vendngjarje dhe në urgjencën e QKMF-së në Malishevë, ka dalë edhe nënkryetari i Komunës së Malishevës, Hajdin Berisha, i cili i ka vizituar të lënduarit dhe ju ka uruar shërim të shpejt.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara