leoni

Ministrja Dumoshi priti në takim kryetarin e KOK-ut dhe disa nga krerët e Federatave Sportive

13/03/2020 Institucionet

Ministrja e Kulturës, Rinisë dhe Sportit, Vlora Dumoshi, priti në takim Presidentin e Komitetit Olimpik të Kosovës, Besim Hasani, dhe disa nga krerët e Federatave Sportive, Kryetarin e FFK-së, Agim Ademi, Sekretarin e FFK-së, Eroll Salihu, Kryetarin e FHK-së, Eugen Saraqini, Kryetarin e FBK-së, Arben Fetahu, Sekretarin e FVK-së, Valon Nikqi, dhe Sekretarin e FNK-së  Astrit Haliti, në këtë takim u diskutua lidhur me Vendimin e Qeverisë së Kosovës Nr. 01/07 të datës 11/03/2020, me qëllim të parandalimit të infeksionit Corona Virus COVID-19, ku nga afër u diskutua zbatimi i këtij vendimi duke ditur që pjesëmarrja e qytetarëve në fushën e Sportit, Kulturës dhe Rinisë është në masë të madhe për të përcjellë aktivitetet të cilat janë të planifikuar nga organizatat sportive, kulturore dhe rinore sipas agjendave dhe kalendarit të aktiviteteve. Gjatë këtij takimi bazuar në diskutimet u nxorën disa konkluzione që si masa parandaluese në pajtim me Vendimin, do të pezullohen aktivitetet tek grup moshat e reja sipas procesit të pezullimit në sistemin arsimor (stërvitjet në klubet, shkollat e sportit, kuvendet e punës të organizatave sportive dhe tryeza të ndryshme), deri në një Vendim tjetër nga Qeveria e Kosovës. Komunat e Kosovës do të jenë në funksion të veprimeve si masa parandaluese do t’i dezinfektojnë objektet sportive në mënyrë që aktivitetet dhe garat të zhvillohen me numrin e caktuar sipas këtij Vendimi. Ministrja Dumoshi falënderojë krerët e Komitetit Olimpik dhe të Federatave Sportive për bashkëpunimin dhe seriozitetin që të kemi vëmendje të shtuar.  Fatmirësisht nuk kemi as një rast të konfirmuar nga institucionet shëndetësore dhe si MKRS do të vazhdojmë bashkëpunimin me të gjitha organizatat sportive që të merren masa parandaluese duke  ngritur nivel të prioritetit të veçantë.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara