Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Gjatë ditës së shtune Ministri i Punëve të Brendshme dhe Administruarës Publike, Agim Veliu, ka zhvilluar bisedë telefonike me komandantin e KFOR-it në Kosovë Gjenarl Major Michele Risi, ku diskutuan për gjendjen e krijuar në vend pas konfirmimeve të rasteve të para të prekura me koronavirus. Sipas njoftimi të MPBAP-së, Komandanti i KFOR-it, Gjeneral Major Michele Risi, ka njoftuar ministrin, që KFOR-i, ka ndërmarr të gjitha masat e duhura për parandalimin e përhapjes së këtij virusit, tek ushtarët dhe personeli dhe se me kujdes po e përcjellin situatën. Veliu e falënderoi komandantin e KFOR-it për masat që i ka ndërmarr duke respektuar vendimet e institucioneve të Kosovës për masat parandaluese të COVID 19. Të dy bashkëbiseduesit u dakorduan që institucionet e sigurisë së Kosovës do t’i bashkërendojnë aktivitetet me trupat e KFOR-it në Kosovë për të menaxhuar situatën e krijuar. Komandanti i KFOR-it, gjithashtu shprehu gatishmërinë që trupat e KFOR-it janë në dispozicion dhe gjendje gatishmërie për t’u dalë në ndihmë popullit të Kosovës.
