Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i komunës së Kastriotit Xhafer Gashi, priti sot drejtorin e Misionit të USAID-it për Kosovë James Hope. Ky takim kishte për temë përurimin e katër projekteve të implementuara, të cilat janë financuar nga USAID përmes programit “Të Avancojmë Kosovën së Bashku” në bashkëfinancim nga Komuna e Kastriotit.
Kryetari Gashi së bashku me drejtorin James vizituan dy rrugët e asfaltuara në fshatin Plemetin dhe ndriçimin e ri të instaluar në rrugët e këtij fshati dhe në rrugët e Kastriotit.
Gjithashtu, kryetari Gashi dhe Hope përuruan ngrohjen qendrore të instaluar në shkollën fillore të fshatit Palaj së bashku me pajisjet e Teknologjisë të siguruara për këtë shkollë. Me këtë rast, nxënësit e shkollës fillore “Fazli Graiçevci” kishin përgatitur një program artistik.
Kryetari Xhafer Gashi në fund e falënderoi Drejtorin e Misionit të USAID-it, James për ndihmën dhe bashkëpunimin e këtyre projekteve të finalizuara. z. James e falënderoi për pritje kryetarin Gashi dhe u shpreh shumë i kënaqur për punën që është bërë në Komunën e Kastriotit, në implementimin e programit të parë të USAID-it.
