Kryetari Begaj, informoi organet përgjegjëse për situatën me COVID-19 në Malishevë

18/03/2020 Institucionet

Në kuadër të aktiviteteve për zbatimin e masave për parandalimin e COVID-19, kryetari i Komunës së Malishevës Ragip Begaj, ka mbajtur një takim informues me shtabin komunal për menaxhimin e situatës me COVID-19, me përfaqësuesit e Kuvendit të Komunës, policisë, shëndetësisë, hidroregjionit, ekoregjionit, zjarrfikësve, KEDS-KESCO dhe postës. Në këtë takim, kryetari Begaj, i ka informuar të gjitha këto organe përgjegjëse, me situatën, e cila konsiderohet nën kontroll, pasi përjashtuar katër rastet e mëhershme, deri më tani nuk janë paraqitur raste të reja, ndërsa masat për parandalimin e COVID-19, sipas udhëzimeve nga qeveria dhe IKSHP, por zbatohen në tërësi, e po ashtu edhe qytetarët janë duke zbatuar urdhëresën për kufizime të lëvizjeve pa nevojë. Sa i përket masave, bazuar edhe në raportimet e organeve përgjegjëse, u bë e ditur se policia është duke e mbajtur në karantinë territorin e komunës, sipas vendimit 01/09 të Qeverisë së Republikës së Kosovës, ndalimin e hyrje daljeve në Malishevë, e po ashtu edhe masat tjera janë duke u zbatuar në tërësi. Edhe shërbimet shëndetësore janë duke u kryer në rregull, si edhe shërbimet administrative në komunë, por me staf të reduktuar. Përndryshe, furnizimi me ujë të pijes në vendbanimet me sistem të ujësjellësit, është duke u bërë normalisht, sikurse edhe grumbullimi i mbeturinave në tërë territorin e komunës, pastaj furnizimi me energji elektrike është i mirë dhe pa probleme, shërbimet postare gjithashtu po kryhen, si dhe shërbimet e internetit dhe kabllovikut nga operatorët që e mbulojnë Komunën e Malishevës. Sa i përket furnizimeve, të gjitha marketet janë duke punuar sipas udhëzimeve dhe janë të furnizuara mirë, përderisa ndihet një mungesë e miellit, por mullinjtë kanë deklaruar se do të vazhdojnë të furnizohen me grurë e miell brenda mundësive që kanë për shkak të situatës, por nuk ka vend për shqetësim. Po ashtu edhe barnatoret janë të furnizuara me barna, e edhe në këtë fushë të furnizimeve nuk ka vend për shqetësim. Në këtë takim, duke filluar nga kryetari, anëtarët e kuvendit dhe të gjitha organet tjera, përsëri ju kanë bërë thirrje qytetarëve që të mos shqetësohen, por thjeshtë ti zbatojnë udhëzimet e dhëna për qëndruar në shtëpi dhe t’iu ikin tubimeve në grupe, me qëllim të parandalimit të prekjes me virusin COVID-19, si masa më e mirë parandaluese.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara