Begaj: Qytetarë, respektoni rregullat, bëni kujdes

24/03/2020 Institucionet

Shtabi komunal për menaxhimin e situatës me COVID-19 në Malishevë, i drejtuar nga kryetari i komunës, Ragip Begaj, e ka mbajtur mbledhjen e radhës, ku është shqyrtuar situata aktuale në Malishevë. Me këtë rast, kryetari Begaj, ju ka bërë thirrje qytetarëve që të vazhdojnë ti respektojnë rregullat dhe udhëzimet për tu mbrojtur nga virusi i COVID-19. “Rritja e rasteve të prekur me këtë virus, e ka bërë situatën shumë shqetësuese në komunën tonë, por kjo është duke u menaxhuar dhe të gjitha organet relevante që janë në terren duke u marrë me menaxhim të situatës”, tha Begaj. Në këtë mbledhje u shpreh shqetësimi për rrezikun që mund të paraqitet gjatë marrjes së pagesave të rasteve sociale, të cilat janë dalë sot, sepse kjo mund të sjellë problem serioz, prandaj ju bëhet thirrje qytetarëve, që të ruajnë distancën gjatë pritjeve për marrjen e pagesave të tyre. Sa i përket furnizimeve me mallra ushqimore, situata është e mirë dhe ka furnizime të mjaftueshme, e po ashtu edhe furnizimi me barna në barnatore është i mirë dhe nuk ka vend për shqetësim. E vetmja gjë që ju kërkohet qytetarëve është respektimi i rregullave dhe udhëzimeve për tu mbrojtur, prandaj ju bëhet thirrje që të qëndrojnë në shtëpi dhe të mos lëvizin pa nevojë.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara