Respekt e nderim për Njazi Azemin-Komandant “Mjekrra” në 19-vjetorin e rënies

26/03/2020 Institucionet

Dëshmori i kombit Njazi Azemi-Komandant “Mjekrra” është përkujtuar me nderime të larta institucionale dhe shoqërore, në 19-vjetorin e rënies. Përfaqësues të pushtetit lokal të prirë nga kryetari i Komunës së Vitisë, Sokol Haliti, përfaqësues të shoqatave të dala nga lufta e UÇK-së, të Policisë së Kosovës dhe familjarë, kanë vendosur kurora me lule dhe i kanë bërë nderime tek varri i tij në Varrezat e Dëshmorëve, në Viti. Kontributi kombëtar dhe sakrifica e Njazi Azemit për liri, u vlerësua lart nga të pranishmit. Sipas tyre, gjeneratat e reja duhet të rriten dhe të edukohen me idealin e heroit Nijazi Azemi dhe të gjithë dëshmorëve të kombit. Nijazi Azemi-Komandant “Mjekrra”, ka rënë dëshmorë në Stanec të Preshevës më 26 mars 2001, si komandant i Brigadës 115 “Karadaku” të Ushtrisë Çlirimtare për Preshevë, Medvegjë dhe Bujanoc (UÇPMB). Çdo vit në Komunën e Vitisë për nderë të tij organizohet Manifestimi “Flakadani i Karadakut”, i cili karakterizohet me aktivitete të shumta kulturore e sportive. Këtë vit ky manifestim u anulua, shkaku i gjendjes së krijuar pas përhapjes së pandemisë me Koronavirus.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara