Vitia në koordinim ditor kundër pandemisë

27/03/2020 Institucionet

Komuna e Vitisë po vazhdon aktivitetet dhe koordinimin në baza ditore për t’u përballur me gjendjen e krijuar pas përhapjes së pandemisë me Koronavirus. Komiteti komunal për emergjenca dhe shpëtim i kryesuar nga kryetari i komunës Sokol Haliti, po mban takime të rregullta dhe po e përcjell situatën me vëmendje të shtuar si dhe po merr detyra të reja në bazë të rrethanave dhe nevojave të krijuara. Ekipi ndërlidhës i KFOR-it amerikan (LMT) ka takuar edhe sot kryetarin Sokol Haliti me të cilin ka biseduar për situatën e përgjithshme. Ata e kanë përgëzuan kryetarin Haliti dhe Komitetin emergjent për punën e palodhshme që po bën në menaxhimin e situatës. Ndërkohë Kryqi i Kuq ka vazhduar shpërndarjen e ndihmave që i kanë ofruar donatorët e ndryshëm. Po shtu u njoftua që këshilltari komunal Vebi Rama ka ndihmuar për 100 familje nga 25 kg miell. Komiteti komunal për emergjenca dhe shpëtim iu bën thirrje qytetarëve që të respektojnë masat e kufizimit të lëvizjes dhe të mos grumbullohen shumë si dhe të mbajnë distancën shoqërore.

Kontrolloni gjithashtu

Këshilli i Bashkësisë Islame në Deçan, organizoj tryezën me temën “Roli i fesë në shoqërinë bashkëkohore”

Këshilli i Bashkësisë Islame në Deçan, organizoj të premtën tryezën me temën “Roli i fesë …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara