Nga nesër Gjimnazi “Hamëz Jashari” fillon mësimin online

29/03/2020 Institucionet

Pas fillimit të mësimit online për shkollat fillore të organizuar nga MASHT-i si Kryetar i Komunës së Skenderajt, bashkë me Drejtorinë e Arsimit jemi angazhuar që mësimin online ta organizojmë edhe për shkollat e mesme të komunës së Skenderajt, ka thënë kryetari Bekim Jashari. Kështu falë punës së palodhshme të drejtorit dhe profesorëve të Gjimnazit “Hamëz Jashari” si dhe bashkëpunimit me kompaninë “Flutura Akademi” nga e hëna me datë 30.03.2020, do të fillojmë mësimin online për nxënësit e këtij gjimnazi. Profesorët kanë bërë përgatitjet e nevojshme dhe kanë njoftuar nxënësit mbi mënyrën se si do të zhvillohet ky mësim. Me këtë rast kërkohet nga nxënësit që të jenë aktiv në këtë proces, në mënyrë që të mos mbeten mbrapa me mësime. Besojmë që shumë shpejtë do të fillojmë mësimin online edhe për dy shkollat tjera SHMLP “Anton Çetta” dhe Qendra e Kompetencës.

Të gjithë nxënësve ju uroj suksese në mësime! Ka thënë kryetari Jashari.

Kontrolloni gjithashtu

Komuna e Vitisë organizon tryezë diskutimi për aktivizimin kundër dhunës ndaj gruas

Komuna e Vitisë, përmes zyrës së kryetarit dhe Zyrës për Barazi Gjinore, ka mbajtur sot …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara