Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Jo zyrtarisht bëhet e ditur se me vendim të Serbisë, dy komunat e pjesës veriore të Kosovës, Mitrovica Veriore dhe Zveçani janë futur në karantinë si dhe rreth 200 qytetarë në 5 komuna të vendit janë detyruar të izolohen me urdhër nga Beogradi. Gazeta “Sinjali” njofton listat janë siguruar nga Enti për Shëndetësi Publike i Serbisë dhe Stacioni Policor i Leposaviqit, të cilat përmbajnë emrat e personave që janë urdhëruar të vetizolohen. Në këto lista janë emrat e 210 qytetarëve nga Komuna e Mitrovicës Veriore, Zveçanit, Leposaviqit, Graçanicës dhe Parteshit, të cilët do të duhet ta zbatojnë këtë vendim. Në katër komunat veriore të Kosovës deri më tani janë raportuar 12 raste me koronavirus si dhe është shënuar një viktimë. Në mjediset e banuara me shumicë serbe në Kosovë të gjitha mostrat e personave që konsiderohen potencialisht të infektuar, dërgohen në Institutin për virusologji, vaksinë dhe serum në Beograd. Para disa ditëve, Shtabi i Krizës në veri të Mitrovicës, ka deklaruar se të gjithë të prekurit me koronavirus do të dërgohen për trajtim të mëtutjeshëm në Spitalin e Nishit në Serbi.
