Mbyllen të gjitha bizneset në Malishevë, përjashtuar marketet ushqimore, barnatoret dhe furrat

07/04/2020 Institucionet

Nga sot, pa afat të caktuar, në mbështetje të ligjit për vetëqeverisjen lokale, statutit të komunës dhe në bazë të planit të reagimit kombëtar, kryetari i Komunës së Malishevës, Ragip Begaj, ka urdhëruar mbylljen e të gjitha bizneseve në territorin e Komunës së Malishevës, përjashtuar barnatoret, barnatoret bujqësore, marketet ushqimore, mullinjtë, furrat e bukës, posta dhe telekomi, njësia e hidroregjionit, e ekoregjionit dhe KEDS-it. Kjo masë është marrë me qëllim të parandalimit të përhapjes së COVID-19 dhe mbrojtjes së shëndetit të popullatës. Me këtë rast, kryetari i Komunës së Malishevës, Ragip Begaj, ju bën thirrje të gjithë qytetarëve, që të zbatojnë këshillat e Institutit Kombëtar të Shëndetësisë Publike, për mbajtje të distancës, mbajtje të higjienës, qëndrimit në shtëpi dhe daljes pa nevojë. Po ashtu luten qytetarët, që edhe nëse kanë nevojë të dalin për blerje, këtë ta bëjë vetëm një anëtar i familjes, e jo më shumë, në mënyrë që të mos krijohet tollovi në markete, pasi kjo shkakton rrezik për të gjithë. Po ashtu, sot janë duke u aplikuar edhe masa tjerë shtesë, ku obligohem për dezinfektim të shtuar në markete dhe objekte tjera, si zbatim të përpiktë të të gjitha urdhëresave, përndryshe të gjithë do të përballen me masat e parashikuara. Për zbatimin e kësaj urdhërese kujdeset Drejtoria e Inspektoratit dhe Policia e Kosovës.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara