Kryeministri Kurti: Komuna dhe Ministria e Shëndetësisë të vendosin për kufizim te lëvizjes

09/04/2020 Institucionet

Kryeministri në detyrë i Qeverisës së Republikës së Kosovës, Albin Kurti, së bashku me ministrat Arben Vitia dhe Emilija Rexhepi, kanë vizituar Komunën e Malishevës, ku janë pritur nga kryetari i Komunës së Malishevës, Ragip Begaj, drejtori i shëndetësisë Liridon Hoti dhe zëvendëskomandanti i stacionit policor në Malishevë, Zenel Halitaj. Qëllim i vizitës ishte njoftimi me situatën me pandeminë COVID-19 në Komunën e Malishevës. Fillimisht kryetari Begaj, e ka njoftuar kryeministrin me situatën në Malishevë, ku bilanci i të prekurve me COVID-19, është 66 persona, ndërsa një prej tyre ka ndërruar jetë dje. Më pas Begaj e ka njoftuar me zbatimin e vendimeve të qeverisë, për urdhëresën për masat shtesë për kufizim të veprimtarive të bizneseve, si dhe me menaxhimin e situatës në përgjithësi. “Jemi duke i zbatuar vendimet e nivelit qendror në përpikëri, por Malisheva i ka specifikat e saj dhe për këtë ju kemi paralajmëruar në fillim”, tha Begaj dhe kërkoj vëmendje më të madhe nga ana e qeverisë për Malishevën, për shkak të rritjes së numrit të të prekurve. Kryetari Begaj, i ka njoftuar në detaje për zbatimin e masave apo vendimeve të Qeverisë. Kryeministri Kurti, shprehi keqardhje për rastin e mbrëmshëm dhe i shprehi ngushëllime familjes, ndërsa e përgëzoi Komunën e Malishevës dhe kryetarin Begaj, për zbatimin e masave qeveritare, si dhe e përgëzoi më urdhëresën për masat shtesë të kufizimit. “Ka nevojë për masa shtesë dhe kërkoj që Komuna dhe Ministria e Shëndetësisë të vendosin edhe për masa tjera shtesë të kufizimit të lëvizjes dhe për masat tjera parandaluese”, tha kryeministri Kurti, i cili edhe njëherë ju bëri thirrje të gjithë qytetarëve, të Malishevës dhe të Kosovës, që ti zbatojnë masat dhe këshillat e institucioneve shëndetësore, për mbajtje të distancës, higjienë, për të mos lëvizur pa nevojë dhe të dalin vetëm nga një person për furnizime. Kryeministri Kurti, premtoi përkrahje më të madhe për Malishevën, në fushën e furnizimeve në të gjitha sektorët. Edhe ministri i Ministrisë së Shëndetësisë, Arben Vitia, tha se në javët e para kanë pasur probleme me furnizime, por tani janë stabilizuar dhe Malishevës nuk do ti mungoj asgjë, sa i përket furnizimeve me mjete mbrojtëse për sektorin e shëndetësisë. “Malisheva është në top prioritet për Ministrinë e Shëndetësisë dhe të gjitha veprimet do të koordinohen me komunën për marrjen e masave shtesë, përfshi edhe zvogëlimin e lëvizjes”, tha ministri Vitia. Ai gjithashtu bëri thirrje dhe lutje për qytetarët në tërë vendin, që ti zbatojnë këshillat për kujdes, pasi kjo është arma e vetme e luftimit të COVID-19. “Virusi është i paparashikueshëm, prandaj kujdesi dhe mbajtja e distancës, është e vetmja mënyrë për ta luftuar”, tha Vitia.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara