Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Aleanca për Ardhmërinë e Kosovës është shprehur e gatshme të bëjë koalicion me LDK-në, ndërkaq Nisma Socialdemokrate akoma nuk e ka vendosur një gjë të tillë. Kryetari i LDK-së, Isa Mustafa, gjatë ditës së sotme ka bërë të ditur se ka kërkuar pëlqimin e Këshillit të Përgjithshëm të partisë për të hyrë në koalicion me Aleancën për Ardhmërinë e Kosovës, Nismën Socialdemokrate si dhe pakicat. Mirëpo në lidhje me propozimin e Mustafës, nga partia e Ramush Haradinajt, kanë thënë se qëndrimi i tyre tashmë është i qartë. Ardian Gjini nënkryetar i AAK-së, ka thënë për lajmi.net, se nëse ekziston varianti që të ketë qeveri të re, janë të gatshme që të bëjnë koalicion me LDK-në. Në anën tjetër, Haxhi Shala nga Nisma Socialdemokrate ka bërë të ditur, se kjo parti akoma nuk e ka vendosur një gjë të tillë. Sipas tij, në momentin që Nismës do ti ofrohet ndonjë mundësi për bashkëqeverisje, atëherë siç tha ai, organet e partisë do ta diskutojnë një gjë të tillë.
