Kryetari Haliti: Do ti mbajmë qytetarët të informuar mbi të drejtat e tyre të qarkullimit pas masave të reja

15/04/2020 Institucionet

Komiteti Komunal për Mbrojtje dhe Shpëtim në Komunën e Vitisë, ka mbajtur takim mobilizues lidhur me vendimet e reja për qarkullim që kanë hyrë në fuqi. Gjatë këtij takimi është biseduar për qarkullimin e qytetarëve por edhe të bizneseve dhe fermerëve në kushtet e parapara nga niveli qendror. Me këtë rast Kryetari i Komunës së Vitisë, Sokol Haliti kërkoj mirëkuptimin e të gjithëve lidhur me këto masa që janë marrë nga niveli qendror me qëllim të parandalimit të përhapjes së sëmundjeve ngjitëse si COVID-19. Ai potencoi se kjo komunë përmes Zyrës për Informim do të mbaj qytetarët e informuar lidhur me të drejtat e tyre për qarkullim. Përndryshe Ministria e Shëndetësisë ajo e Bujqësisë por edhe Administrata Tatimore e Kosovës kanë publikuar njoftimet për të drejtat dhe mënyrat e qarkullimit dhe dokumentet me të cilën duhet të pajisën ata. Gjatë këtij takimi është folur edhe për vazhdimin e sigurimit dhe shpërndarjes së pakove higjienike dhe ushqimore për qytetarët me gjendje të renduar financiare. Përndryshe deri me tani në komunën e Vitisë 20 qytetarë janë infektuar me virusin COVID-19 ndërkaq 3 prej tyre janë shëruar.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara