leoni

Kosova dhe Shqipëria koordinojnë veprimet, pas situatës së krijuar

15/04/2020 Institucionet

Kosova dhe Shqipëria do të intensifikojnë bashkëpunimin në sektorin e bujqësisë, e po ashtu, do t’i koordinojnë aktivitetet e tyre për eliminimin e pengesave në qarkullimin e prodhimtarisë bujqësore në mes të dy vendeve. Ministri i Bujqësisë, Pylltarisë dhe Zhvillimit Rural, Besian Mustafa, për të diskutuar  rreth veprimeve mes të dyja shteteve pas situatës së krijuar nga pandemia, ka pritur sot në takim Ambasadorin e Shqipërisë në Kosovë, Qemal Minxhozi. “Në situatën me të cilën po përballemi, u pajtuam me Ambasadorin Minxhozi që të rrisim bashkëpunimin dhe të koordinojmë aktivitetet në mes të dyja vendeve, për të lehtësuar lëvizjen e prodhimeve bujqësore dhe për të shikuar të gjitha mundësitë që kemi që të mbrojmë prodhuesit tanë nga të gjitha rreziqet që mund të përballen në këtë kohë pandemie”, ka thënë ministri Mustafa. Ambasadori i Shqipërisë në Kosovë, Qemal Minxhozi ka falënderuar Ministrin për gatishmërinë e tij për të avancuar bashkëpunimin në mes të dyja shteteve në bujqësi dhe ka rikonfirmuar gatishmërinë e Qeverisë së Shqipërisë për të rritur bashkëpunimin në funksion të zhvillimit bujqësor tek të dy vendet.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara