Komiteti Komunal për Mbrojtje dhe Shpëtim i komunës së Vitisë vazhdon luftën kundër përhapjes së virusit pademik COVID-19

17/04/2020 Institucionet

Komiteti Komunal për Mbrojtje dhe Shpëtim i Komunës së Vitisë, ka mbajtur sot në mëngjes mbledhjen e radhës për të koordinuar masat shtesë parandaluese pas konfirmimit të rasteve të reja të qytetarëve të kësaj komune të prekur me virusin COVID-19. Gjatë këtij takimi është folur për vazhdimin e dezinfektimit të hapësirave të ndryshme por edhe të pastrimit dhe klorifikimit të tyre dhe atë në lokalitetet e ndryshme. Gjithashtu në këtë takim është biseduar edhe për izolimin e familjarëve të prekur nga ky virus dhe shmangies së kontakteve me persona të tjerë. Kryetari i Komunës së Vitisë, Sokol Haliti ka kërkuar edhe njëherë nga qytetarët të qëndrojnë në shtëpitë e tyre, të mbajnë distancën sociale dhe të ndjekin udhëzimet e ekspertëve. Ai ka thënë se ky komitet po vazhdon të kontaktoj me donatorë të ndryshëm me qëllim të sigurimit të pakove ushqimore dhe higjienike për qytetarët me gjendje të renduar financiare për të ju dal në ndihmë atyre gjatë kësaj situate të krijuar nga virusi pandemik COVID-19. Përndryshe në komunën e Vitisë, deri me tani 24 qytetarë janë prekur nga virusi pandemik ku nga ta 3 janë shëruar. Të prekur nga ky virus ka në këto lokalitete: Smirë, Viti, Stubëll, Gjylekar, Goshicë me vendbanim në Viti, Ramaj dhe Pozheran.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara