Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Mediet në Shqipëri njoftojnë se gjatë disa ditëve, numri i të shëruarve vazhdon të jetë më i madh se sa numri i të infektuarve me virusin KOVID-19. Ministria e Shëndetësisë ka konfirmuar se 19 persona janë shëruar gjatë 24 orëve të fundit. Kështu shkon në 302 numri i të shëruarve. “Aktualisht në vendin tonë janë 220 persona të infektuar aktivë dhe siç shihet, numri i të shëruarve është më i lartë, dhe kjo tendencë tashmë vazhdon pa luhatje që prej 7 ditësh”, ka deklaruar zëvendësministrja e Shëndetësisë së Shqipërisë, Mira Rakacoli. Ndërkohë nga rezultatet e testimeve janë konfirmuar 9 raste pozitive me COVID19 gjatë 24-orëve të fudnit. Nga rastet e reja 5 i përkasin Kurbinit, 2 raste në Kukës, 1 rast në Tiranë, 1 rast në Fier. Ndërkohë, autoritet e larta të Shqipërisë kanë njoftuar se janë duke shqyrtuar fillimin e ndërmarrjes së hapave për lehtësimin e masave shtrënguese të ndërmarra javë më parë.
