leoni

Haliti: Rastet e të prekurve me COVID-19 po shtohen, kërkoj nga qytetarët që ta marrin më seriozisht situatën

20/04/2020 Institucionet

Deri tani 44 qytetarë të Komunës së Vitisë janë prekur nga virusi pandemik COVID-19. Gjashtë janë të hospitalizuar, të tjerët gjenden në vetizolim në shtëpitë e tyre, kurse tre janë shëruar plotësisht. Pos masave të tjera për parandalimin e përhapjes së këtij virusi, pritet të vendosen edhe tunelet dezinfektues në Qendrën Kryesore të Mjekësisë Familjare në Viti dhe Qendrën e Mjekësisë Familjare në Pozheran. Kjo u bë me dije gjatë mbledhjes së rregullt që ka mbajtur Komiteti Komunal për Mbrojtje dhe Shpëtim (KKMSH). Kryetari i Komunës së Vitisë, Sokol Haliti ka folur për masat që po i ndërmerr KKMSH-ja për parandalimin e përhapjes së virusit pandemik COVID-19 në këtë komunë. Ai potencoi se pos dezinfektimit dhe klorifikimit të hapësirave të jashtme si rrugët, sheshet, trotuaret, është bërë edhe dezinfektimi i ndërtesës në Viti, ku kanë rezultuar pozitiv disa qytetarë. Kryetari Haliti potencoi se situata në këtë komunë është serioze dhe se duhet të merren edhe më shumë masa në mbikëqyrjen e vatrave të infektimit. Ai kërkoi që të vazhdohet me gjurmimin e kontakteve, të bëhet rregullisht dezinfektimi i hapësirave dhe ndërtesave por edhe të bëhet klorifikimi i rrugëve. Ndërkaq Komandanti i Stacionit Policor në Viti, Kapiten, Afrim Halili potencoi se policia në Viti është duke u kujdesur për zbatimin e masave të qarkullimit të vendosur nga niveli qendror por edhe për lokalitetet ku qytetarët kanë rezultuar pozitiv me virusin COVID-19. Ai potencoi se të gjithë ata që nuk respektojnë orarin e qarkullimit dhe kriteret për qarkullim do të ngritët kallëzime penale ndaj tyre. Ndërkaq Dr. Vjollca Kadolli-Halili, drejtoreshë e QKMF-së në Viti, e njoftoi komitetin lidhur me gjendjen shëndetësore të të prekurve me virusin COVID-19 dhe mbi numrin e tyre.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara