leoni

Kryetari Haliti: Numri i të shëruarave nga virusi COVID-19 në komunën e Vitisë është rritur, megjithatë kërkoj nga qytetarët të respektojnë udhëzimet e ekspertëve

07/05/2020 Institucionet

Komiteti Komunal për Mbrojtje dhe Shpëtim (KKMSH) në komunën e Vitisë, gjatë mbledhjes së rregullt ka folur për situatën e krijuar në vend nga pandemia e virusit COVID-19. Gjatë këtij takimi Kryetari i Komunës së Vitisë, Sokol Haliti, ka potencuar se deri me tani në këtë komunë nga 53 qytetarë të prekur me koronavirus janë shëruar 42 prej tyre. Ai shtoj se 6 qytetarë të kësaj komune janë të hospitalizuar por në gjendje të mirë shëndetësore ndërkaq pjesa e mbetur janë të izoluar në shtëpitë e tyre me familjarët. Kryetari Haliti tha se në bazë të rezultateve të publikuar nga Instituti Kombëtar i Shëndetësisë Publike të Kosovës ( IKSHPK) mbrëmë 14 persona janë testuar për herë të parë dhe 2 persona janë ritestuar dhe të gjithë kanë rezultuar negativ mbi virusin COVID-19. “Numri i të shëruarave në komunën e Vitisë është rritur, fatmirësisht nuk kemi pasur asnjë rast të vdekjes së qytetarëve tanë nga virusi COVID-19. Urojmë që edhe qytetarët e tjerë të shërohen sa më parë dhe që Vitia të ju kthehet gradualisht normalitetit”, u shpreh Kryetari Haliti. Ai shtoj se kjo komunë vazhdimisht është kujdesur dhe po kujdeset që ky virus të mos përhapet edhe më shumë dhe kërkoj nga qytetarët që të respektojnë udhëzimet e ekspertëve. Ndërkaq gjatë këtij takimi u bë me dije se Ministria e Shëndetësisë ka dërguar serish një vendim ku fshatrat Ramjan, Stubëll e Epërme, Pozheran, Goshicë dhe Rruga “UÇK” në Viti janë shpallur vatra të përhapjes së infeksionit edhe pse sipas rezultateve të IKSHPK-së qytetarët që më parë kanë rezultuar pozitiv për COVID-19 në lokalitetet Viti, Skifteraj dhe Goshicë janë shëruar. Ndërkaq Drejtoresha e QKMF-së në Viti, Dr. Vjollca Kadolli-Halili bëri me dije se sot pritet ritestimi edhe i 7 qytetarëve të kësaj komune. Në këtë takim i pranishëm ishte edhe Komandanti i Stacionit Policor në Viti, Kapiten Afrim Halili, i cili ka bashkëbiseduar për KKMSH-në për zbatimin e vendimeve dhe udhëzimeve në mesin e tyre edhe për vendimin për mbikëqyrjen e shtuar të vendbanimeve që janë shpallur vatëra të përhapjes së infeksionit nga MSH-ja.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara