Haliti: Kryqi i Kuq partner serioz në bashkudhëtimin tonë të përbashkët

08/05/2020 Institucionet

Në Ditën Botërore të Kryqit të Kuq, kryetari i komunës së Vitisë Sokol Haliti, në emrin e tij dhe të institucioneve komunale, ka shprehë gjithë konsideratën dhe respektin e thellë për punën e palodhshme që kjo organizatë humanitare po bën në funksion të mbrojtjes së jetës dhe shëndetit të njeriut si dhe për mirëqenie të përgjithshme. Me theks të veçantë dua të falënderoj dhe të përgëzoj ekipin e Kryqit të Kuq-Dega në Viti, si dhe anëtarët dhe vullnetarët, të cilët kanë qenë gjithnjë bashkëpunues dhe të gatshëm për koordinim të veprimeve. Ata janë pjesë e pandashme e punës dhe veprimeve tona edhe në luftën kundër pandemisë së gripit, sidomos duke i shërbyer komponentës sociale. Pjesëtarët e Kryqit të Kuq të Kosovës në Viti kanë dhënë dhe po japin kontribut të çmuar në identifikimin e rasteve në nevojë, harmonizimin e listave dhe në shpërndarjen e pakove ushqimore të siguruara nga donatorët përmes Komitetit Komunal për Mbrojtje dhe Shpëtim të Komunës së Vitisë, duke rrezikuar kështu edhe shëndetin e tyre. Kryqit të Kuq i urojmë punë të mbarë dhe zhvillim të mëtutjeshëm!

Sinqerisht

Sokol Haliti

Kryetari i Komunës së Vitisë

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara