Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në kuadër të shënimit të 24 Marsit ,,EPOPESË SË DUKAGJINIT’’ dhe shënimit të shumë aktiviteteve që po mbahen për nderë të kësaj dite Brigada për Reagim të Shpejtë, Batalioni i Dyte me Njësitin e saj realizoj Marshin Kondicional ,,Marsi i Lirisë’’, Pikënisja e këtij Marshi ishte fshati Isniq, aty ku është edhe shtatorja e Heroit të Kombit Isa Boletini.
Kënga e tyre gjatë marshit drejt qytetit të Deçanit ishte emocion për qytetarët që kishin dalë për ti pritur. Ata i priten me duartrokitje të gjata dhe emocione te pa përshkruara për Forcën e Sigurisë së Kosovës.
Marshi i tyre vazhdoi drejt shtatoreve të Heronjve Sali Çeku dhe Luan Haradinaj dhe i përmendores së qyteti në Deçanit. Marshi i Lirisë vazhdoi rrugëtimin e tij drejt fshatit Beleg ku nxënësit e kësaj shkolle dhe banorë të këtij fshati kishin dalë për ti përshëndetur.
Rrugëtimi vazhdon ku takimi i radhës ishte fshati Irzniq, nxënësit e këtij fshati mësimdhënës dhe qytetar, duartrokiten Garden e FSK-së, edhe këtu fjalët respekti dhe nderimi nuk munguan.
Dhe Marshi i Lirisë nuk ka të ndalur, ecin drejt Gllogjanit në kompleksin Memorial Dëshmoret e Kombit, aty ishte edhe Bacë Hilimi Haradinaj, ishte edhe i pari i komunës së DCeçanit z.Rasim Selmanaj, përfaqësues të shoqatave të dala nga lufta e UÇK-së, familjarë të dëshmorëve nxënës, mësimdhënës dhe qytetar të shumtë.
Në kompleksin Memorial Dëshmoret e Kombit ku prehen eshtrat e 85 Dëshmorëve të kombit, Brigada për Reagim të Shpejtë, Batalioni i Dyte me Njësitin e saj vendosen 85 lule mbi varret e 85 dëshmorëve duke i nderuar edhe më një minutë heshtje.
Në Gllogjanin heroik aty ku valonin flamujt kuq e zi të vendosur gjithandej fshatit tregonte se gjithçka ishte gati për shënimin e 24 Marsit ,,Epopesë së Dukagjinit ‘’dhe Ditës së Dëshmorëve të kësaj zone.
