Kryetari Latifi ka kujtuar 21 vjetorin e rënies së 16 Dëshmorëve te Batalionit Gardist “Shkëlzen Haradinaj”

25/05/2020 Institucionet

Kryetari i komunës së Rahovecit Smajl Latifi përmes një shkrimi të tij në facebook ka kujtuar 21 vjetorin e rënies së 16 Dëshmorëve te Batalionit Gardist “Shkëlzen Haradinaj”, ai ndër të tjera ka thënë; U bënë 21 vjet, ku në një mision të vështirë të luftës çlirimtare, gjatë një rrugëtimi për Shqipëri e duke bartur mbi supe edhe luftëtarë të plagosur, atje në Bogiqe, në trekëndëshin që ndan trojet shqiptare (Kosovë, Mal i Zi, Shqipëri), u përjetësuan 16 trima. Ishin luftëtarë të dëshmuar për veprat e tyre në beteja me armiqtë, djem të zgjedhur të Batalionit Gardist “Shkëlzen Haradinaj“ nga Zona Operative e Dukagjinit, që i dhanë gjak lirisë së atdheut. Në mesin e të rënëve ishte edhe veprimtari i madh i çështjes sonë kombëtare dhe luftëtari i lirisë, ISLAM Rexhep KRASNIQI nga Gjakova, i lindur e i rritur në Ratkoc të Rahovecit. Lavdi për jetë e mot, heronjve të luftës çlirimtare që u flijuan për lirinë e atdheut! Nderime dhe respekt ndaj luftëtarëve që i mbijetuan kësaj beteje! Thuhet në një postim të tij të kryetarit Latifi.

Kontrolloni gjithashtu

Komuna e Deçanit, me 1 maj shënon 35-vjetorin e Kuvendit Historik të Pajtimit të Gjaqeve “Verrat e Llukës”

Kryetari i komunës së Deçanit, z. Bashkim Ramosaj, kryesuesi i Kuvendit Komunal, z. Hajdar Sutaj …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2025, Të gjitha të drejtat e rezervuara