Haliti: Kemi hyrë në një fazë serioze, duhet të kemi kujdes

15/06/2020 Institucionet

Komiteti Komunal për Mbrojtje dhe Shpëtim (KKMSH) ka shprehur edhe sot shqetësimin me gjendjen aktuale me Covid19 në Viti. KKMSH në mbledhjen e rregullt ka vlerësuar se pas paraqitjes së rasteve të reja me gripin pandemik është shtuar rreziku për përhapje të mëtutjeshme. Kryetari Sokol Haliti, i cili edhe kryeson KKMSH-në, tha se tash kemi hyrë në një fazë serioze, prandaj duhet të kihet kujdes të shtuar. Ai kërkon nga qytetarët që të vetëpërmbahen, në mënyrë që lehtësimi i masave të mos kthehet si kundërefekt. Sipas tij tashti kur lëvizja e qytetarëve nuk është më e kufizuar, nuk dihet se nga mund të përhapet virusi. Ai tha se po hulumtohen rastet e kontakteve të të infektuarve, në mënyrë që virusi të lokalizohet sa më shumë. Kryetari Haliti tha se po mbahen kontaktet me të infektuarit dhe familjarët e tyre të vetizoluar. Ai tha se po vazhdohen masat e dezinfektimit dhe klorifikimit në lokalitete të ndryshme. Drejtoresha e Qendrës Kryesore të Mjekësisë Familjare në Viti, Dr. Vjollca Kadolli-Halili, u bën thirrje atyre që kanë pasur kontakte me personat e infektuar, të vetizolohen, kurse ata që kanë shenja të lajmërohen për testim. Ndryshe, në Ditën e Çlirimit të Komunës së Vitisë, si masë parandaluese, janë anuluar manifestimet publike dhe seanca festive e Kuvendit Komunal.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara