Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
DËSHTIMI I DREJTËSISË: PËR 241 TË MASAKRUAR – 22 VJET BURG!
Edhe Darko Tasiq-pjesëtar rezervë i milicisë së ish RFJ-së, sikur se kriminelët tjerë serb “iqa” e “viqa”, sot u dënua (nga Gjykata Themelore në Prizren) me një dënim qesharak, 22 vite burgim!!!
Masakra më e madhe në Kosovë, masakra e Krushës së Madhe që pësoi humbjet më të mëdha në luftën e Kosovës (241 të vrarë, ende 64 të zhdukur) të shkaktuara nga “fqinjët” serb lokal të Krushës së Vogël, Hoqës së Madhe, Rahovecit e Prizrenit, që përveç se ju kishin prirë ekspeditave ushtarake, milicisë dhe njësive paramilitare serbe, këta edhe vetë ishin aktiv në ekzekutimin e projekteve akademike serbe që nga Naqertania e 1876-ës e deri më sot. Njëri nga ta, Darko Tasiq bashkë me babain dhe vëllaun e tij janë ndër përgjegjësit kryesor në zinxhirin komandues të zonës, e që ishin pjesë udhëheqëse/ekzekutuese në gjenocidin, etnocidin dhe dëbimin masiv të shqiptarëve. Ky, së bashku me të tjerë i kanë vrarë, masakruar qytetarët e Krushës së Madhe, më pas i kanë ngarkuar trupat e tyre në kamionetën Mercedes Benz 508D ngjyrë portokalli dhe i ka dërguar buzë lumit Dri i Bardhë mes fshatit Krushë e Madhe-Krushë e Vogël ku së pari kanë shtënë me armë mbi ta për të vërtetuar vdekjen, i ka djegur dhe më pas me mini eskavator të familjes Hajdari, kamionin me mbetje e ka fut në lum.
P.S
Ndjehemi të indinjuar dhe të frustuar ndaj dhunës së disa pjesëtarëve të Policisë së Kosovës ndaj familjarëve viktima nga Krusha e Madhe dhe Krusha e Vogël.
