Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Tri partitë opozitare, Vetëvendosje, AAK dhe Nisma, kanë hequr dorë nga protesta e paralajmëruar për nesër. Pas një takimi midis përfaqësuesve të tri subjekteve opozitare në një nga lokalet e kryeqytetit, u vendos që të anulohet protesta e 26 marsit. Kjo u bë e ditur nga vetë kreu i AAK-së, Ramush Haradinaj gjatë një paraqitje para medieve, bashkë me homologët e tij nga Vetëvendosje dhe Nisma. Protesta, sipas kreut të AAK-së, do të shtyhet për një datë tjetër. Ndonëse ende nuk është konfirmuar tërësisht, burime jo-zyrtare flasin për përçarje brenda bllokut opozitar. Divergjencat kryesore kanë qenë midis Vetëvendosjes dhe AAK-së. Derisa, partia e Visar Ymerit ka kërkuar që të shtyhet protesta, AAK ka këmbëngulur në mbajtjen e saj. Asnjëri nga krerët e partive opozitare nuk ka pranuar se ka ndonjë përçarje mes tyre.
