Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Duke folur për gjendjen e krijuar në vend nga përhapja e pranisë së virusit korona dhe rritja e numrit të pacientëve në Klinikën Infektive, kryetari i Sindikatës së Punëtorëve Shëndetësorë, Blerim Syla, ka tërhequr vërejtjen se stafi shëndetësor është stërlodhur dhe është i mbingarkuar pas rritjes së numrit të të infektuarve. Ai i ka deklaruar Radios Evropa e Lirë se përveç kësaj se deri para dy ditësh, 257 punëtorë shëndetësorë janë konfirmuar me sëmundjen COVID-19, që e shkakton koronavirusi, por që sipas tij, ky numër tashmë mund të ketë arritur deri në 300. “Unë nuk dua të përhap panik që është duke dalë situata prej kontrollit, mirëpo unë mund të them se jemi duke i stërmbushur kapacitetet, ato që i kemi ne. Problemi qëndron se Kosova nuk ka staf të mjaftueshëm që të trajtojë pacientët me COVID-19, ka thënë kryetari i Sindikatës së Punëtorëve Shëndetësorë, Blerim Syla.
