Masat e reja po zbatohen si duhet në Viti

15/07/2020 Institucionet

Komiteti Komunal për Mbrojtje dhe Shpëtim i Komunës së Vitisë ka konstatuar, se gjendja aktuale epidemiologjike në Komunën e Vitisë është nën kontroll. Kryetari Sokol Haliti, i cili edhe kryeson këtë komitet, tha se po vazhdon koordinimi edhe me mekanizmat tjerë relevantë si dhe po përcillet gjendja shëndetësore e të prekurve me virus, por edhe nevojat që kanë familjet e izoluara. Ai tha se masat mbrojtëse po vazhdojnë të praktikohen, në mënyrë që të pengohet përhapja e mëtutjeshme e infektimit. Komandanti i Stacionit Policor në Viti, kapiten Afrim Halili, tha se deri tani nuk kanë problem dhe masat e reja të vendosura nga Qeveria e Republikës së Kosovës janë duke u zbatuar. Sipas tij, qytetarët po i mbajnë maskat mbrojtëse dhe distancën shoqërore. Po ashtu edhe bizneset e gastronomisë po e respektojnë orarin e ri të punës në pajtim me vendimin e Qeverisë. Kapiten Halili tha se janë në koordinim të plotë me inspektoratin. Ai është optimist se pas masave të ndërmarra, gjendja do të ndryshojë për të mirë. Kryetari Haliti falënderoi qytetarët dhe bizneset për disiplinën dhe i luti qê të vazhdojnë të sillen në pajtim me masat në fuqi.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara