leoni

Këshillit Komunal për zbatimin e masave parandaluese kundër COVID-19 në Komunën e Hanit të Elezit mbajti mbledhjen e radhës

22/07/2020 Institucionet

Këshillit Komunal për zbatimin e masave parandaluese kundër COVID-19 në Komunën e Hanit të Elezit mbajti mbledhjen e radhës për të vlerësuar gjendjen aktuale. Nënkryetari i Komunës së Hanit të Elezit Mallzum Qajani, i cili kryesoi me takimin në hapje tha se që nga 7 rastet e para të cilat janë menaxhuar mirë, së fundmi kemi edhe katër raste të konfirmuar me Covid-19. Sipas nënkryetarit Qajani, nga këto katër raste, tre nga ata kanë tejkaluar kohën e izolimit dhe pa ndonjë pasoj do ti kthehen jetës normale. Fatkeqësisht kemi një rast i cili po trajtohet me oksigjeno terapi në spitalin e Ferizajt dhe urojmë të gjithë që edhe ky rast ta tejkalon infeksionin. Nënkryetari Qajani tha se hapja e kufirit dhe zvogëlimi i masave parandaluese kanë ndikuar në potencialin që Hani i Elezit të jetë potencialisht i rrezikuar nga raste të reja të infeksionit. Vetëm për 20 ditë të Muajit Korrik në vendkalimin kufitar kanë kaluar 57177 udhëtarë. Medina Imishti Drejtoreshë e DSHMS-së tha se Drejtoria e Shëndetësisë është në kontakte të vazhdueshme me institucionet përkatëse. Ajo tha se së fundmi kemi marrë edhe një udhëzues ku QKMF-të duhet të identifikojnë rastet e dyshuara që sipas saj shton rrezikun e shpërndarjes së infeksionit. Ajo potencoi edhe mungesën e testimeve si dhe të ritestimeve. Ndërsa Nejazi Luma drejtor i QKMF “Menduh Kaloshi” në Han të Elezit tha se kjo qendër vazhdon të mbaj një ekip mjekësorë në vendkalimin kufitar, mirëpo bazuar në numrin e madh të udhëtarëve është e pamundur vlerësimi i saktë shëndetësor. Stafi i QKMF-së po vazhdon me shërbimet e nevojshme për qytetarët ndërsa theksoj se janë të pajisur mirë me pajisje mbrojtëse si dhe me medikamente për rastet kronike.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara