Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ministrja e Punëve të Jashtme dhe Diasporës, Meliza Haradinaj – Stublla, ka zhvilluar një bisedë telefonike me Kryeministren për Reformë Juridike dhe njëherësh Ministre e Punëve të Jashtme e Republikës së Bullgarisë, Ekatarina Zaharieva. Siç njofton kumtesa, me këtë rast kryediplomatja Haradinaj – Stublla ka falënderuar Zaharieva për përkrahjen e vazhdueshme të Bullgarisë për të drejtën e qytetarëve të Kosovës për të lëvizur pa viza në zonën Schengen. Por ministrja Haradinaj – Stublla ka shtuar se “zvarritja e këtij procesi, tashmë ka kaluar çdo limit dhe është kthyer në padrejtësi”. Temë diskutimi në bashkëbisedim me Zaharieva, ka qenë edhe dialogu ndërmjet Republikës së Kosovës dhe Serbisë, për të cilin proces ministrja Haradinaj – Stublla ka theksuar se marrëveshja ndërmjet dy shteteve nuk mund të sjellë rezultate pa lidershipin amerikan. “Shpreha bindjen që dialogu për marrëveshjen finale me Serbinë nuk do të sjellë rezultatet e pritshme pa lidershipin amerikan dhe se respektimi i integritetit territorial të Kosovës është parim i panegociueshëm”, është shprehur ministrja Haradinaj – Stublla.
