Të gjitha rrugët në Fshatin e Ri do të asfaltohen

27/07/2020 Institucionet

Fshati i Ri, i cili është një prej fshatrave më të thella në Komunën e Malishevës, së shpejti do të bëhet me rrugë të rregulluara dhe të asfaltuara, pasi kanë filluar punimet në rregullimin e rrugëve të mbetura. Bëhet fjalë për rreth 800 metra rrugë në lagjet e këtij fshati, të cilat kanë filluar të hapen, për tu asfaltuar. Hapjen e këtyre rrugëve e ka parë nga afër edhe drejtori i Drejtorisë së Urbanizimit, Ahmet Morina, i cili është njoftuar nga mbikëqyrësi për punimet që janë duke u bërë, si dhe nga kryetari i fshatit Arton Zogaj dhe punëkryesi. Drejtori Morina, gjithashtu është takuar edhe me banorët, të cilët i ka uruar për hapjen e rrugëve, ndërsa është ndarë i kënaqur me punët që aktualisht janë duke u kryer, marrë parasysh edhe terren tepër të thepisur në këtë fshat të thellë malor. Nga ana tjetër, edhe kryetari i fshatit, Arton Zogaj, e ka falënderuar komunën për rregullimin e rrugëve në disa lagje të fshatit, pasi kanë rëndësi jetike për banorët, për të cilët hapja dhe asfaltimi i rrugëve, është një prej parakushteve për të ndalur migrimin nga fshati. Drejtori Morina, ka bërë të ditur se bëhet fjalë për 800 metra rrugë në lagjet e fshatit dhe të njëjtat, pas hapjes dhe rregullimit të trasesë, do të asfaltohen dhe kjo pritet të bëhet shumë shpejt. Rregullimi i rrugëve, mundësohet nga buxheti i Komunës së Malishevës.

Kontrolloni gjithashtu

Kryetari Aliu vizitoi Qendrën Kryesore të Mjekësisë Familjare

Kryetari i Komunës së Ferizajt, z. Agim Aliu i shoqëruar nga drejtori i Shëndetësisë dhe …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara