Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Grupi punues i Ministrisë së Drejtësisë për finalizimin e Projektkodit të Procedurës Penale, të mërkurën ka mbajtur takimin e radhës në të cilin ka marrë pjesë edhe ministri Selim Selimi. Gjatë këtij takimi është diskutuar për disa çështje me rëndësi, duke përfshirë çështjen e gjykimit në mungesë, suspendimin nga puna të zyrtarëve publikë me rastin e ngritjes së aktakuzës, në pajtim me rekomandimet e Komisionit të Venecias, si dhe mundësinë e përfshirjes së dispozitës që lejon mbajtjen e seancave online, në rrethanat e ngjashme sikurse ballafaqohemi aktualisht me Covid-19. Me këtë rast, Selimi i ka ofruar mbështetje grupit punues për finalizimin e Projektkodit të Procedurës Penale, duke shtuar se ky projektkod është i domosdoshëm për avancimin e legjislacionit për sistemin e drejtësisë. Procesi i hartimit të Projektkodit të Procedurës Penale është mbështetur nga Ambasada e Shteteve të Bashkuara të Amerikës.
