TAKIMI I RADHËS I SHTABIT EMERGJENT KOMUNAL NË JUNIK

18/08/2020 Institucionet

Shtabi Emergjent i komunës së Junikut ka mbajtur takimin e radhës, ku kryetari i komunës Agron Kuçi ka njoftuar anëtarët e shtabit për gjendjen nëpër të cilën po kalon komuna e Junikut në këtë periudhë ku vendi shënon numër të lartë të të infektuarve me virusin COVID-19. Kryetari Kuçi tha se gjendja është stabile, megjithatë Virusi mbetet i panjohur dhe marrë parasysh rastet asimptomtatike edhe numri i të infektuarve nuk dihet saktë, përpos rasteve të konfirmuara nga IKSHPK, andaj neve na mbetet t’i respektojmë masat mbrojtëse. Sipas Kryeshefit të QKMF-së gjendja epidemiologjike në komunën e Junikut është nën kontroll, por ka rritje të rasteve të dyshimta të cilat trajtohen nga stafi i QKMF-së në dhomën e veçantë për trajtim bazuar në rekomandimet e IKSHPK-së dhe MSH-së, dhe marrë parasysh që virusi është i panjohur dhe nuk i dihet intensiteti i zhvillimit, ne duhet të jemi të kujdesshëm dhe të vazhdojmë respektimin e tri masave bazë për luftimin e virusit COVID-19. Komandanti i stacionit Policor njoftoj anëtarët që gjendja në aspektin e sigurisë është e qetë dhe se mund të themi që komuna e Junikut qëndron më së miri në nivel vendi sa i përket respektimit të masave, por kjo duhet të vazhdojë tutje dhe qytetarët duhet ta kuptojnë që kujdesi dhe masat mbrojtëse iu shpëtojnë jetën. Shtabi Emergjent apelon tek qytetarët që shfaqin simptoma dhe kanë pasur kontakt me persona potencialisht të infektuar me COVID të tregojnë kujdes dhe respekt për të tjerët duke u vetë-izoluar, rastet e tilla për shërbime mjekësore dhe furnizime familjare të kontaktojnë Qendrën Kryesore të Mjekësisë Familjare dhe numrat kujdestar të Shtabit Emergjent Komunal: 049/760-268, 044/253-228,049/760-256 dhe 044/236-963

❗️Vendos maskën

❗️Respekto distancën

❗️Pastro duart rregullisht

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara