Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Duke folur për pasojat që mund të ketë tek fëmijët koronavirusi dhe mos dërgimi i tyre në shkolla, eksperti i shëndetësisë nga Britania e Madhe, Chris Whitty ka thënë se më shumë ka mundësi të dëmtohet fëmijët në rast se nuk i dërgojmë në shkolla se sa nëse preken nga koronavirusi. Ai i ka deklaruar BBC se shanset që fëmijët të vdesin nga COVID-19 janë jashtëzakonisht të vogla e nga ana tjetër mësimet e humbura dëmtojnë fëmijët në planin afatgjatë. Duke folur mbë mundësinë e përhapjes së virusit mes fëmijëve dhe prej tyre mandej tek prindërit, ai ka thënë se kjo është një situatë serioze dhe ka theksuar se duket sikur ka shumë më pak transmetim nga fëmijët te të rriturit se sa nga të rriturit tek të rriturit tjerë. Nga ana tjetër, Organizata Botërore e Shëndetit ka thënë që fëmijët e moshës 12 vjeç e lart duhet të mbajnë maska në përputhje me rekomandimet kombëtare duke cituar prova që sugjerojnë që adoleshentët mund të infektojnë të tjerët në të njëjtën mënyrë si të rriturit.
